دنیا کی مقبول ترین لیگز میں سے ایک پاکستان سپر لیگ (پی ایس ایل) کے دسویں ایڈیشن کا آغاز 11 اپریل سے ہو رہا ہے۔ لیگ میں سب کی پسندیدہ فرنچائز کراچی کنگز نے پی ایس ایل ٹرافی پر نظریں جما لیں اور حریفوں سے مقابلے کے لیے کمر کس لی۔

کراچی کنگز نے پی ایس ایل کی ٹرافی ایک بار پھر اٹھانے کے عزم کے ساتھ بھرپور تیاریاں جاری رکھی ہوئی ہیں۔کھلاڑیوں نے ہیڈ کوچ روی بوپارا کی نگرانی میں مسلسل دوسرے روز بھی نیشنل اسٹیڈیم میں پریکٹس کی۔

دوسری جانب کراچی کنگز کے غیر ملکی اسٹارز کی آمد کا سلسلہ جاری ہے۔ آسٹریلیا سے تعلق رکھنے والے کے کے کپتان ڈیوڈ وارنر، افغانستان کے محمد نبی، بنگلہ دیش کے لٹن داس، نیوزی لینڈ کے ایڈم ملن اور ٹیم سائفرٹ نے اسکواڈ کو جوائن کر لیا ہے۔

ہیڈ کوچ روی بوپارا کہتے ہیں کراچی کنگز کیساتھ طویل عرصے سے تعلق ہے۔ ہمارا مقصد بہترین کرکٹ کھیلنا ہے۔ ڈیوڈ وارنر کی شمولیت نے ٹیم مضبوط تر بنا دی ہے۔ ہمارا اسکواڈ متوازن ہے اور جیت کے لیے پر امید ہیں۔

واضح رہےکہ پی ایس ایل 10 کا آغاز 11 اپریل سے ہونا ہے۔ ٹورنامنٹ کے افتتاحی میچ میں دفاعی چیمپئن اسلام آباد یونائیٹڈ کا مقابلہ راولپنڈی کرکٹ اسٹیڈیم میں دو مرتبہ کی فاتح لاہور قلندرز سے ہوگا۔

ٹورنامنٹ چار شہروں کراچی، لاہور، ملتان اور راولپنڈی میں کھیلا جائے گا جس کا فائنل 18 مئی کو لاہور کے قذافی اسٹیڈیم میں شیڈول ہے۔ پی ایس ایل 10 کا میلہ 37 دن تک جاری رہے گا جس میں مجموعی طور پر 34 میچز کھیلے جائیں گے۔

تازہ ترین خبریں

پاکستان سپر لیگ کے دوسرے میچ میں کوئٹہ گلیڈی ایٹرز کی پشاور زلمی کو شکست

پاکستان ویمنز کرکٹ ٹیم کی سپنر سعدیہ اقبال آئی سی سی ٹی 20 ٹیم میں شامل

پی ایس ایل 10، دفاعی چیمپیئن اسلام آباد یونائیٹڈ کا فاتحانہ آغاز

سکاٹ لینڈ کو شکست، پاکستان نے ویمنز کرکٹ کوالیفائنگ راؤنڈ میں دوسری کامیابی حاصل کر لی

پاکستان سپر لیگ 10 کا رنگا رنگ میلہ کل سے شروع ہوگا

آئی سی سی ویمنز کرکٹ ورلڈ کپ کوالیفائر، پاکستان نے پہلا میچ جیت لیا

پاکستان سپر لیگ میں پلیئر ٹریکنگ ٹیکنالوجی استعمال ہوگی

پی ایس ایل: فول پروف سیکورٹی کے لیے پاک فوج اور رینجرز کے دستے طلب